TVRI YOGYAKARTA NEWS
Para pamirsa, wulan suci ramadhan mujudaken wulan ingkang kebak ing barokah, saengga mboten maiben bilih ing wulan suci menika kathah warganing masyarakat ingkang sami pados amal kasaenan, salah setunggalipun ingih menika mbage takjil.
Wulan suci ramadan mujudaken setunggaling wulan ingkang dipun antu-antu dening umat muslim ing donya. Ing wulan ingkang kebak baroikah menika mujudaken wekdal ingkang sae kangge pados amal kasaenan ingkang sak kathah-kathahiun. Salah setunggalipun kados ingkang katindfaken dening klempakan warganing masyarakat ingkang manunggal ing Info Cegatan Jogja ICJ sarta sedulur saklawase. Klempakan menika ngadani acara mbage takjil dhumateng warga masyarakat ing sakngajenging angkringan SAG mergi ketingan, Tlogo Adi Mlati Sleman. Takjil ingkang kabage menika gunggunipun ngancik gansgal atus wungkus sekuul box, dawet lan kolak. Dananipun dipun klempakan saking warganing ICJ sarta sedulur saklawase kanthi sukalila, mboten dipun temtokaken gungunipun. Menggah ancas lan tujuwanipun mbage kajawi minagka raos kabedulenipun dhumateng sesami, ugi supados kaparingan sih berkahing gusti alloh subahanallohu wataala ing saklebeting nglampahi gesang ing ngalam donya. Acara mbage takjil menika pikantuk kawigatoan ingkang ageng saking warga masyarakat ingkang nglangkungi mergi menika. Warga masyarakat ingkang sami nitih pit montor ugi mboten nganggu arusing lalu lintas lan panggina mergi sanesipun. Hardo Kiswoyo mantan Sekda Sleman ing kalodhangan menika paring apresiasi ingkang ageng wontenipun krida mbage takjil meika . Raos peduli dhumateng sesami wigati dipun tanemaken lan dipun amalaken ing saktengahing bebrayan ageng lan pagesangan saben dinten . Sinaosa takjil ingkang kabage menika mboten sepintena, kaajab mahanani dhumateng kemaslahatan umat .
