TVRI YOGYAKARTA NEWS – BAMBANG HARTOYO
Para pamirsa, kangge ngenthengaken sesanggmenipun masyarakat ngajengi dinten riyaya idul fitri, Pamarintah Kabupaten Cilacap nggelar pasar murah.
Mindhaking rregen kabetahan pokok ngajengi tumapaking dinten riyaya idul fitri, ndayani sesanggemanipun masyarakat saya awrat, kalebet kados ingkang dipun raosaken dening warga masyarakat ing Kecamatan Bantarsar Kabupaten Cilacap Jawa Tengah. Kangge ngenthengaken sesanggemaning masyarakat , Pamarintah Kabupaten Cilacap nggelar pasar murah , mapan ing pendapi Kecamatan Bantar Sari. Warga sami antri sarta ngijolaken kupon kangge tumbas sembako seket tiga ewu rupiyah, ingkang dumados saking lisah goreng setunggal liter, gendhis pasir setunggal kilogram sarta wos tinggang kilogram. Sinaosa namung arupi wos, gendhis pasir sarta lisah goreng ewasementen sedaya kabetahan pokok kjala wau laris kasade . Pj Bupati Cilacap Awaludin Muuri ngandaraken bilih gelar pasar murah ingkang dipun adani ing sawetawis kecamatan menika minangka raos kabedulen dhumateng warga masyarakat dhuamteng warga langip mliginipun ngajengi tumapakaing dinten riyaya idul fitri 1445 hijriyah. Hari Winarno , Camat Bantarsari mratelaaken bilih wonten ewoanan paket semabko ingkang dipun cawisaken kangge warga masyarakat. Paket semabako ingkang dipun sade menika kaotipun kathah kapandhinagken kaliyan regi peken. Piyambakipun nugi ngaturaken panuwuwn ingkang ageng dhumateng Pemda Cilacap ingkang sampun beduli dhumateng warga masyarakat. Hari Winarno ugi ngajab masyarakat langkung temen lan khusuk anggenipun nindaaken ngibadah ing wulan siyam.
Sawetawis menika Pujiyanto saweneh warga Bulaksari rumaos kabiyantu kanthi wontenipun gelar pasar murah menika.
Masyarakat ngajab dhumateng pamarintah kanthi ajeg ngadani krida ingkang kados mekaten menika, saengga warga saged kabiyantu ing saklebeting nyekapi kabetahanipun.
