TVRI YOGYAKARTA NEWS-MARGOLARAS
Pamirsa, taneman dangsul edamame ingkang umumipun ditanem ing pesabinan, kanyata ugi saget dipun budidaya ing pekarangan griya kanthi ngginakaken polybag. Asilipun ugi mboten kawon menawi dipun tanem ing lahan konvensional.
Ing negari indonesia, dangsul dados salah setunggal komoditas olah tetanen ingkang pinunjul, amargi tataran konsumsi masyarakat ingkang inggil. Ananging kawontenan menika mboten dipun sarengi kaliyan produksinipun ingkang tasih dereng nyekapi kebetahan. Edamame dados setunggal jinis dangsul ingkang nggadahi potensi dipun budidaya kanthi masal, sinaosa sakmeniko tasih dereng kathah kadang tani ingkang mbudidaya. Menawi padatan taneman dangsul mekaten dipun tanem ing pesabinan, ananging salah setunggal warga ing Bantul suryanto kasil mbudidaya dangsul edamame ing polybag. Menapa ingkang dipun tindakaken dining piyambakipun menika kanyata ngasilaken. Taneman dangsul ingkang dipun tanem ing polybag saget tuwuh kanthi subur.
Budidaya dangsul edamame kajawi saget dipun mekaraken kangge usaha olah tetanen, asilipun ugi saget kangge nyekapi kabetahan bahan pangan sehat kangge kaluarga. Setunggal kilon dangsul edamame ing pekenan penhgaosipun ngancik 15 ewu rupiyah.
