TVRI YOGYAKARTA NEWS – HENDRY SAPUTRA-ABDUL ROHIM
Usaha pandameling bakmi teles ingkang padatanipun dipun dahar kalian sambel menika dados setunggaling usaha ingkang taksih dipun lestantunaken dening perajin ing Kulonprogo. Kepara panyuwunan daharan setunggal menika kapetang ajeg.
Menawi panjenengan asring tindak peken tradisional temtu smapun tepang sanget kaliyan daharan setunggal menika. Bakmi ingkang dipun dahar kaliyan sambel lan wonten ingkang dipun campur kaliyan capjaek. Daharan setunggal mmneika kapetang daharantradisional ingkang taksih lestantun dumugi ing wekdal sakmneika. Surat saweneh produsen bakmi ingkang wonten ing laladan dusun krinjing jatisarono nanggulan kulonprogo ngandaraken bilih daharan setunggal menika panyuwunanipun ajegh kepara tansaya kathah. Bakmi menika dipun damel migunaaken bahan terigu ingkang dipun campur bumbon, brambang bawang lan dipun tambahi sambel. Cara ndamselipun inggih gampil sanget. Menawi adonan sampun dipun uleni lajeng dipun giling dados bakmi, saklajengipun dipun godog sekehdap lan dipun entas. Sasampunipun garing dipun sukani brambet goreng lan sambel ingkang dipun damel saking lombok lan tomat. Piyambakipun ingkang sampun ngayahi pakaryan ndamel bakmi sakdangunipun 25 tahun ngandaraken bilih setunggaling pepalang anggenipun ndamel bakmi menika inggih pengaosing bumbon kadosta brambet lan bawang ingkang mboten ajeg. Sawetawis regi terigu kapetang ajeg kemawon. Asiling ndamel bakmi menika lajeng dipun kintun dateng ing peken sonten, wonten ugi ingkang mendhet langsung ing griyanipun lajeng dipun sade piyambak. Setunggal kilo bakmi mateng dipun aosi 10 ewu rupiah, dene menawi idpun tambahi sambel dados 15 ewu rupiah. Kawuningana bilih ing dusun menika ugi kathah waraganipun ingkang ndamel bakmi menika ananging nggadahi tekstur ingkang benten-benten.
