TVRI YOGYAKARTA NEWS – MUHAMMAD RIDWAN
Nyelaki dinten riyaya kurban, panyadining kewan kurban mligi kangge jinins menda tasih sepen. kabandingaken kaliyan tahun sakderengipun, panyadining kewan kurban mandhap.
Salah setungaling bakul kewan kurban eva ingkang gelar lapak ipun ing mergi stadion baru Dusun Gedongan Karangsari Wedomartani Ngemplak Sleman nedahaken, mlebet ing setunggal minggu pungkasan ngajengi dinten riyaya kurban 1445 H, menda gadahanipun dereng katah ingkang pajeng. kepara saking 18 menda gadahanipun, nembe 2 menda ingkang sampun dipun pesen utawi dipun tumbas dining pelangganipun. kamangka menawi kabandingaken kalih athun sakderengipun, panyuwunan menda mandhao katah. piyambakipun mboten mangertosi menapa ingakang dados pawadan panyadining menda kurban ing tahun menika mandhap. ananging piyambakipun gadah keyakinan, bilih tiga dumugi kalih dinten nyelaki dinten rioyaya kurban samangke, panyuwunan kewan kurban mlibi kangge jinins menda badhe mindhak. menapa malih dinten tasrik menika wonten 3 dinten, saengga tasih wonten wekdal kangge nyade menda – mendanipun menika. ing lapakipun mneika eva nyade manekawerni jinis menda wiwit saking bligon engga peranakan etawa. kekalih jinis menda menika gadahi bleger ingkang ageng saengga trep sanget dipun ginakaken kangge kurban. pengaosipun ugi langkung inggilmkabandinghaken jinis menda sanesipun, ngancik 5 dumugi 6 yuta rupiyah saben ijinipun.
