TVRI YOGYAKARTA NEWS – HENDRY SAPUTRA – ABDUL R
Dara kolongan sampun dados setunggaling karemenan. Kajawi hobi, ngingah dara kolongan ugi saged dados sumber ekonomi ingkang mikolehi.
Kados mekaten menika budidaya dara kolongan ingkang dipun tindaaken dneing saweneh warga bantul menika. Kejawi mujduaken steunggaling karemenan, budidaya dara menika ugi saged kangge nambah wulu wetu. Anggenipun ngingah inggih namung wonten ing kandhang ingkang dipun papanaken wonten ing griyanipun. Kandhang budidaya dara kolongan menika idpun papanaken ing sakubenging tembok griyanipun. Wonten puluhan pasang dara ingkang dipun budidaya. Produktifitas dara menika kapetang inggil. Menapa malih pandhemen dara kolongan saya kathah gunggungipun dumados saking lare-lare, lan wiranem malah kepara ugi tiyang sepuh.Warga ingkang gadhah karemenan ingkang sami menika padatanipun nyawiji ing satunggaling paguyuban, minangka srana kangge nglempak, sarta ngadani pasanggiri ngolong dara. Dara lanang dipun gabur tebihipun watawis setunggal kilo saking kolongan, wondene jodhonipun dipun keplek ing salebeting kolongan. Sinebat minangka juwara, menawi dara lanang langkung cepet mlebet kolongan manggihaken jodhonipun. Manut para pandhemen dara kolongan, amrih saged mencok jodhonipun kanthi cepet, pancen kedah dipun gladhi kanthi sabar, tlaten lan setiti. Saben setunggal pasang saged pajeng kanthi pengaos ingkang inggil, mliginipun ingkang nate sasap ing pasanggiri. Dara kolongan dumados saking satunggal pasang. Supados purun jodho, watawis setunggal minggu dangunipun, dara lanang lan wedok dipun wor ing setunggal kandhang. Salajengipun, saben dinten, dipun kawinaken.
