TVRI YOGYAKARTA NEWS – HENDRY SAPUTRA – ABDUL R
Saweneh warga sumberagung jetis bantul mekaraken taneman jeram kingkit ing kebon, asilipun maremaken. Kejawi dipun mupangataken kangge taneman pasren, woh jeram menika ugi nggadahi mupangat kasarasan.
Kados mekaten menika taneman jeram kingkit ingkamngs ampun amwoh. Perangan wohipun kathah lan werniniun abrit lan gunggungipun kathah. Taneman menika dipun budidaya wonten ing kebon woh gadahanipun warga ing dusun bungas suberagung jetis bantul. Taneman jeram kingkit kalebet tanemen grumbul utawi semak ingkang saged tuwuh engga tigang meter inggilipun. Taneman tropis menika gadhah ciri mirunggan, ron majemukipun, kanthi werni ijem tuwa gilap sarta lonjong. Sekaripun gadhah werni pethak sawetawis wohipun bunder lonjong, werninipun ijem nalika tasih enem lan dados abrit menawi sampun tuwa. Taneman jeram kingkit menika cocok dipun tanem ing siti lempung, pasiran lan kirang sae kekathahen toya. Panyiramaning taneman katindaken sepisan sedintenipun, kanthi paparan sinar surya, ingkang kathah. Taneman jeram kingkit menikia sampun mawoh, sasampunipun wolung wulanan. Taneman menika ugi saged dipun dadosaken kangge uyup eyup pekawisan, pager menapadene dipun dadosaken bonsai. Jeram kingkit menika ugi gadhah mupangat ing donyaning kasarasan, kadosta ngusadani cekoh, ngendaleni sesakit kulit ingkang dipun sebabaken dening jamur. Sawetawis perangan ron gadhah mupangat kangeg ngusadani gerah padaran lan perkais pencernakan kadosta mual, mules, diare engga sembelit.
