TVRI YOGYAKARTA NEWS–WIDI-YUDHA
Para pamirsa, menawi panjenegnan badhe mirsani tilaran sujarah tuwuh mekaring donyaning perkereta-apian ing Indonesia, mliginipun Ngayogyakarta, panjenegan saged ngendhangi Stasiun Kalimenur ing Sentolo Kulonprogo.
Stasiun kalimenur ingkang dumunung ing Sentolo Kulon Progo, mboten namung dados titik mandheging sepur, ananging ugi nyimpen sujarah inkang wigati ing saklabeting lampah tuwuh mekaring donyaning perekertapian ing Indonesia. Kawit dipun bangun jaman kolonial walandi, stasiun menika dados salah setunggaling seksi bisu mekaring jaringan rel ingkang nyambetaken sawetawis laladan ing Pulo Jawi, nggampilaken mobilitas barang lan penumpang ngiras pantes ndamel cepeting industrialisasi. Stasiun kalimenur inig Kalurahan Sukoreno, Sentolo Kulonprogo menika dipun bangun sesarengan kaliyan pembangunan jalur sepur saking Ngayogyakarta dumugi kroya dening poerusahaan negara staatspoorwen ing tahun 1887. Duk rikala jaman kawuri stasiun kalimenur menika dipoun dados salah setunggaling stasiun ingkang rame tetiyang ingkang sami nitih sepur bumel utawi grenjeng. Stasiun menika ugi asring sinebat stasiun tahu jalaran kathah-kathahipun calon penumpangipun mujudaken bakul tahu saking Dusun Tuksono ingkang badhe nyade daganganipun ing Ngayogyakarta menapadene ing Kutoarjo. Rikolo jaman revolusi stasiun menika ugi nate dipun bom dening walandi engga risak, ananging dening perusahaan negara kereta api dipun bangun malih. Sinaosa umuripun sampun atusan tahun ananging tasih ketingal blegeripun minagka stasiun alit kanthi cakrik arsitektur mirunggan. Kadosdene ciri mirunggan bangunan stasiun alit umumipun ing bangunan utami ugi wonten bolongan angin ing perangan tembok senthong tunggunipun. Stasiun kalimenur lan lingkunagnipun hnedahaken nilai arkeologis ingkang inggil, kacihna saking bangunanipun gadhah cakrik staat spoor wen, ing lintas Ngayogyakarta. Bangunan Stasiun Kalimenur menika ugi sampun dipun tetepaken minagka cagar budaya adedasar Surat Keputusan Bupati Bnomer Gangsal Atus Wolung Dasa Enem Garis Miring A Garis Miring Kalih Ewu Wolulas. Emanipun sinaosa sampun dipun btetepaken minagka cagar budaya, saperangan payonipun nugi sampun sami mlorot gendhengipun. Usuk ingkang wonten ugi sampun ketingalk lan gapuk. Stasiun Kalimenur mboten namung dados bangunan tua, ananging ugi dados seksi bisu lampah Sujarah Perkeretaapian Indonesia ingkang kedah dipun jagi lestantunipun kangge para panerusing bangsa. Kalenggahanipun dados pangenget enget jaman kajayan ing jaman kawuri ngiras pantes warisan arsitektur ingkang mboten saged dipun kerta aji mawi arta.
