TVRI YOGYAKARTA NEWS–WIDI- HARIF YUDHA
Para pamirsa, tanaman hias anthurium engga sepriki tasih kathah sutresnanipun. Taneman menika dipun mupangataken kangge ngrengga pekawisan saengga dados karaos asri, lan edipeni.
Salah setunggaling jinis anthurium ingkang kathah dipun budidayaken inggih menika anthurium linet. Sinaosa reginipun sampun awis kados rumiyin ewasementen taneman menika ugi tasih ketingal sae kangge ngijemaken pekawisan lan ngrengga griya. Mboten maiben nindaken usaha budidaya tanaman anthurium tasih tinarbuka lan mikolehi. Taneman anthurium linet menika gadhah werni ijem tuwa sarta ngadhah cakrik manjang lan lincip ing pucukanipun.
Ing saklebeting mbabar taneman anthurium menika saged lumantar kalih cara inggih menika vegetatif dan generatif. Menawi mbabar generatif ngginaken wiji ingkang sampun tuwa lan dipun deder menawi sampun radi ageng dipun pindah tanem. Sawetawis menawi vegetaif ingih menika mendet anakanipun ingkang tuwuh lan dipun pisahaken kaliyan taneman indukipun. Cara nanem anthorium linet menika ugi gampil, menggah media tanem cekap ngginaken media saking siti, humus sarta cocoopit, sawetawis rabuk ngginaken rabuk kandhang iongkang sampun dados utawi dipun permentasi, taneman anthorium linet menika mboten tahan saking panasing surya, menawi kenging sunaring surya langgsung mliginipun nalika nembe benter-benteripun, ronipun saged garing. Taneman anthorium linet kedah dipun papanaken ning sak nagndhaping taneman menaapdene paranet. Ing saklebeting nindaken budidaya taneman anrthurium mboten mbetahaken lahan ingkang wiyar saged mupangatken pekawisan griya ingkang wonten. Supados ketingal saya sae, ron anthorium linet menika kedah asring dipun lap, supados ketingal gilap. Kajawi gadhah bobot ekonomi ingkang inggil, nanem taneman hias mliginipun anthuirium ing pekawisan griya, ndamel lingkungan dados seger, asri, ayem tentrem.
