TVRI YOGYAKARTA NEWS-ADI NUGROHO-WENDY
Jeram lemon jumbo utawi ingkang gadah ukuran ageng kanyata ugi cocok dipun tanem ing hawa benter Bantul. Nanging emanipun dereng kathah kadangtani ingkang purun mbudidaya kamangka menawi dipun tingali saking reginipun, budidaya lemon menika kanyata murakabi sanget.
Kados mekaten menika kebon lemon super gadahanipun darsono, warga Kermiri Purwabinangun Pakem Sleman Ngayoghjakarta. Kawontenan siti ingkang subur sarta hawa asreep menika kanyata trep sanget kangge papan budidaya jeram lemon. Darsono, ingkang sampun sawetawis tahun menika pensiun lan milih dados kadangtani ing Dusun Waleh, nanem jeram lemon pancen mboten wonten tuna nipun. Kepara asilipun murakabni sanget. Menawi dipun wetang gunggung sedayanipun, piyambakipun saged panen jeram lemon ngancik tigang kwintal namung saking pinten-pinten taneman kemawon. Menawi dipun ereng-ereng, kinten kinten saben kalih dumugi tigang dinten darsana saged panen sedasa kilonan ing sepanjanging woh jeram tasih wonten. Babagan pangrimatan ugi namung gampil kemawon. Jeram lemon mboten mbetahaken pangrimatan ingkang njlimet, namging ingkang kedah dipun wigatsoaken inggih meniai babagan rabuk. Darsono langkungremen ngginaken rabuk kandang. Semanaten ugi perkawis nyirami toya. Jeram lemon kalebet taneman ingkang mboten remen megung toya jalaran saged damel perangan oyot lajeng bosok. Siti kedah dipun jagi lembabipun, sampunngantos garinglan sampun ngantos kembeng toya. Ama ingkang ngrebasa kejawi uler ijem, wonten tumo cemeng ingkang ngrebasa ron ing pucuking taneman. Nanging sedaya wau ugi saged dipun awekani kanti nginaken obat-obatan. Langkung tandes malih dfasisana waleh, setunggal kilo jeram lemon menika ing tataran kadang tani dipun sade kalih dasanan ewu rupiah saben kilonipun. Sawetawis nalika sampun mlebet peken, saya malih mlebwt supermarket, reginipun saged tikel ngancik kaping tiganipun. Mila bikanipun darsono ugi radi ewet nyade asil panenipun jalaran dereng kathah tiyang ingkang mangertosi mupangatipun lempn, nangig danguning dangu sasampunipun dipun biwaraaken ing internet, dumugi wedal samenika darsana malah rumaos kuwalahan saged nyekapi panyuwunan.
