TVRI YOGYAKARTA NEWS-SETYA BUDI
Ing dinten riyaya idul fitri tahun menika dasanan tukang ojek ing Gunungkidul sami sambat awit sepenipun penumpang. Katah saking para penumpang lan para pemudik ingkang dipun papak dining keluwarganipun kabandingaken mupangataken jasa ojek pangkalan.
Ing dinten bakda riyadi tahun menika, wulu wektunipun para tukang ojek pangkalan ing prosekawan selang wonosari mandhap kabandingaken dinten riayay sakderengipun. Para penumpang utawi pemudik ingkang ginakaken jasanipun para ojek menika gunggungipun sekedik sanget. Ing saklebeting tumuju ing griyanipun warga katah – katahipun sami dipun papak dining keluwarganipun piyambak – piyambak. Miterat para tukang ojek ing papan menika, jaman ingkang sampun sarwa moderen menika gampilaken warga ing saklebeting nemtokaken pilihanipun nalika betahaken jasa transportasi. Kusnan salah saweneh tukang ojek ing papan menika waleh, saben dinten piyambakipun namung pikantuk penumpang setunggal kalih kemawon, menawi rame saget pikantuk engga 5 penumpang. Lenggananipun katah katahipun mujudaken para warga lan para pemudik inhkang mandhap saking bis trayek lokal kemawon. Sawetawis kangge warga ingkang numpak bis akap sampun awis – awis mupangataken jasa ojek pangkalan.
Kusnan lan dasanan tukang ojek ing prosekawan selang menika sampun nglampahi pakaryan dados tukang sak dangunipun dasanan tahun. Kepara sawetawis yuswanipun wonten ingkang sampun sepuh utawi sampun mujudaken lansia.
