TVRI YOGYAKARTA NEWS-WIDI-HARIF YUDA
Para pamirsa, salah setunggaling pepalang budidya kakao ing mangsa rendheng inggih menika tuwuhipun bosok wohipun, sarta jamur pithoptora. Kangge ngendhaleni ama lan sesakit kajwi njagi karesikaning lingkungan ugi nginaken agen hayati.
Taneman kakao mujudaken salah setunggaling jinis taneman perkebunan ingkang nggdahi pangajeng-ajeng ingkang sae. Salah satunggaling laladan ingkang warganipun nindak-aken budidaya kakao inggih menika ing padusuanan Slanden, Banjaroya, Kulonprogo. Taneman menika kathah-kathahipun dipun tanem ing pekawisan minangka taneman pethetan. Kadang tani kakao ing laladan menika manunggal ing klempakan tani kelmapakan tani ngudi rejeki lan kelaompok wanita tani sundul langit. Usaha budidaya kakao ing laladan menika sampun kawiwtan tahun pitung dasanan, lan sakmenika gunguning populasi wit kakao ngancik nem ewonan, salah setunggaling pepaklang budidaya kakao inggih menika dumadosing bosok woh nalika ing mangsa rendheng jamur pithoptora lan kepik. Johan salbiyantoro saweneh kadang tani mratelaken bilih kangge ngirangi bosok woh kla wau caranipun namung ngirang cawang ingkang wonten supados sunaring surya saged mlebet ing lahan, sarta njagi karesikaning lahan. Kangge negndaleni ama lan sesakit kadang tani ngginaken cara alami ingih menika agen hayati ingkang dipun damel piyambak.
Asiling usaha coklat ing laladan menika ugi sampun ndipun olah piyambak dening warga masyarakat, lan gadhah kalodhnganan ingkang sae lan tionarbuka. Emanipun gungginging lahan soklat saya suda jalaran wiranem kirang gregetipunn nindaken budiodaya soklat. Regio soklat sakmeniak nembe sae, ingkang grade a ngancik kalih atus ewu rupiyah saben sekilonipun.
