TVRI YOGYAKARTA NEWS-HENDRY-ABDUL ROHIM
Kadang tani urang ing laladan Kulonprogo sakmenika nembe ngadhepi ngrebasanipun virus ingkang nerak urang wiwit taksih alit. Kepara kadang tani ternak dereng mangertosi caranipun mbrasta virus menika.
Panyuwunan urang sae menika ing laladan ngayogjakarta menapadene laladan sanes kanyata mboten nate sepen, kathahipun panyuwunan dereng saged dipun cekapi. Emanipun kadang tani urang ing laladan Kulonprogo nembe nemahi ngrebasanipun virus ingkang ngrebasa urang wiwit taksih alit utawi benur. Virus menika sampun ngrebasa benur gadahanipun kadang tani ingkang dipun tebar saengga ndamel mandhapipun budidaya urang. Junadi saweneh kadang tani urang ing laladan kadilangu jangkaran temon ngandaraken bilih piyambakipun lan sakrencang dereng mangertosi kados pundi cara anggenipun ngendaleni virus menika.
Kadang tani urang ing papan menika sejatosipun sampun greteh niti priksa kawontenan tambak lan urang saben dinten, kalebet niti priksa toyanipun, sirkulasi, pakan sarta ama sesakit. Ananging kanyata ugi virus menika dereng saged dipun kendaleni. Kathah tambak urang ingkang lajeng dipun tilar mekaten kemawon, sanadyanw wonten ugi ingkang tetep nindaaken budidaya urang kanthi pepalang wontenipun virus menika. Piyambakipun ngajab dumateng pamerintah utawi ihak ingkang kawogan paring pambiyantu anggenipun ngahepi perkawis menika.
