TVRI YOGYAKARTA NEWS-WENDY WICAKSONO
Budidaya kacang brol genjah unggulan ingkang dipun tindaaken dening kadang tani ing laladan pesisir kanyata asilipun maremaken, mboten namung kacangipun ingkang pajeng nanging ugi rendengipun ugi kathah ingkang madosi.
Kacang brol genjah mujudakan salah steunggaling komoditi olah tetanen unggulanipun kadang tani. Salah setunggalipun kados ingkang dipun budidaya dening priyo saweneh kadang tani ing laladan pasisir samas bantul. Sampun sawetawis wekdal menika piyambakipun nindaaken budidaya taneman kacang brol genjah ingkang kanyata asilipun sae. Pengaosipun ing pekenan ugi kapetang sae, panyuwunanipun ugi inggil. Kepara katah bakul ingkang sampun nyuwun dipun pasoki kacang saking kebonipun. Namung kemawon wonten saweneh pepalang inggih menika ngrebasanipun ama tikus nalika taneman kacang menika sampun mawoh utawi nyelaki panen. Kangge ngawekani bab menika piyambakikpun nanem taneman tela kaspa ingkang wontenm ing sakupengipun lahan menika kangge narik kawigatosaning ama tikus menika wau. Kejawi menika piyambakipun ugi nyarengi mangsa nanem kaliyan kadang tani sakiwa tengenipun kangge ngirangi gunggunging ama tiku singkang ngrebasa. Kangge kabetaahn toyanipun piyambakipun ngginaaken toya saking sumur bor ingkang dipun pompa ngginaaken listrik. Gandeng taksih kathah jawah mila, ngresiki lahan saking suket mujudaken pangrimatan ingkang kedah katindaaken supados tuwuhing taneman kacang sae lan maremaken. Piyambakipun ngajab supados asiling panen kacang tahun menika sage sae kangge nambah wulu wetu keluwarga.
