TVRI YOGYAKARTA NEWS-HENDRY SAPUTRA-ABDUL ROHIM
Nindaken usaha nanem timun baby gadhah kalodhangan nampi bebathen ingkang maremaken jalaran jangka wekdal panenipun cepet, lan pekenipun tasih tinarbuka.
Timun mujduaken steunggaling komoditi olah tetanen ingkang dados pilihanipun kadang tani. Kalebet kadang tani ing laladan pesisir pandansari bantul menika.Taneman timun ingkang dipun budidaya wonten ing lahan gesik meika ketingal subur lan asilipun sae. Kepara saged dipun panen makaping-kaping dumugi wekdal sakmenika mujkdukaen wekdal pungkasan panen. Perangan ronipun ingkang sampun jene lan bobotipun timun ingkang sampun benten dados steunggaling ciri taneman menika kedah sampund ipun gantos. Kawuningana bilih taneman timun baby menika namung mbetahaken wekdal setunggal wulan sampun panen. Anggenipun panen menika saged dipun tindaaken ngantos kaping seket. Temtunipun gumantung kaliyan anggenipun ngrimat. Menawi wonten ron ingkang sampun garing katerak jamur menapadene ama kedah enggal- enggal dipun rempeli. Bab sanes ingkang kedah dipun gatosaken inggih menika anggenipun nindaaken panen ampun ngantos telat. Kados naminipun timun baby menika mujudaken timun ingkang nggadahi raos langkung seger lan manis kanthi ukuran ingkang alit kapandingaken kaliyan timun padatanipun. Menawi telat anggenipun panen, timun baby menika badhe ageng ukuranipun lan ngirangi raos seger lan manisipun. Nalika timun menika ageng temtunipun smapun mboten pajeng dipun sade. Panen menika saged katindaaken kaping kalih sedintenipun amargi tuwuhipun woh nalika sampun medal menika cepet sanget. Kepara watawis gangsal jam menika ukuranipun timun baby sampun tambah ageng. Asiling panen menika saklajengipun dipun setoraken dateng tengkulak.
