TVRI YOGYAKARTA NEWS-WIDI-HARIF YUDHA
Para pamirsa, ngawekani awising pakan ulam pabrikan, salah setunggling cara ingkang sahged katindaken dening pembudidaya ulam inggih menika ndamel pakan mandiri.
pakan mujudaken salah setungggaling bab ingkang nemtokaken ing saklebeting nindaken usaha budidaya ulam. Ing wekdal samenika setunggal kilogram pakan ulam pabrikan pengaosipun sampun ngancik langkung saking sedasa ewu rupiyah. Sawetawis pengaosing ulam saking tataran kadang tani tetep ajeg, wusananipun bebathenipun kadang tani ulam namung alit sanget, nguningani kawontenan ingkang mekaten menika kadang tani winarto saking karanmg gawang, Turi Sleman ndamel pakan piyambak. Bahan ingkang dipun ngginaken kangge ndamel pakan ulam wau antawisipun glepung dele, glepung jagung, glepung ulam, maggot, dedak lan probiotik lasn sak piturutipun. Caranipun ndamel ugi prasaja sanget, sedaya bahan wau dipun carup engga nyawiji nembe dipun lebetaken ing mesin cithak pelet. Kanthi ndamel pakan menika kadang tani ulam aged ngirit beya pakan engga tigang dasa pesren langkung.
Pakan ulam pabrikan wekdal sakmenika saben sekilonipun sampun ngancik tiga welas ewunan, sawetawis menika menwi pakan damelan piyambak naming sangan ewoan kemawon . Kandhutan protein pakan ulam menika saged dipun damel jumbuh kaliyan ulam ingjang dipun ingah.
