TVRI YOGYAKARTA NEWS-META-ABDUL ROCHIM
Setunggaling jinis pakan rajakaya ingkang nembe kathah dipun budidaya inggih menika odot. Produktifitasipun ingkang inggil lan perangan pangipun ingkang langkung empuk dipun remeni rajakaya.
Kados mekaten menika taneman odot ingkang dipun budidaya dening kadang tani ing laladan pesisir bantul menika. Kadang tani ing papan menik ambudidaya taneman menika wonten ing lahan olah tetanen. Taneman menika taksih setunggal jinis kaliyan suket gajah. Taneman odot nggadahi produktifitas ingkang inggil, menapa malih ing mangsa jawah, teneman menika gampil sanget tuwuh kanthi subur. Taneman menika anggadahi kaluwihan, ing perangan pang-ipun ingkang langkung empuk ingkang dipun remeni rajakaya kadosta mendha menapadene domba. Kejawi menika, kaluwihan taneman odot sanesipun inggih menika kathahipun nutrisi ingkang wonten menawi kapandingaken kaliyan jinis taneman pakan saneispun. Taneman menika dipun mekaraken kanthi cara vegetatif. Taneman odot menika saged dipun panen ing umur 70 dumugi 80 dinten. Anggenipun panen inggih gampil sanget namung dipun papras mekaten kemawon. Mangkeh ing sisa taneman ingkang dipun papras wau saged tuwuh taneman odot ingkang enggal. Taneman odot saged dipun dadosaken alternatif bahan pakan rajakaya ingkang gampil dipun budidaya lan temtunipun badhe nyekapi kabetahan nutrisi rajakaya. Bab menika katindaaken kangge njagi pasudiyan pakan rajakaya ngengeti bilih pakan mujudaken salah setunggaling perangan ingkang mirunggan saklebeting ngingah rajakaya.
