TVRI YOGYAKARTA NEWS-HENDRY SAPUTRA-ABDUL ROCHIM
Ing donyanng taneman bonsai, wonten steunggaling perangan ingkang mboten saged dipun lirwaaken inggih meika milih taneman pokok ingkang kedah nggadahi sipat ingkang gampil dipun bentuk lan kiyat, salah setunggalipun inggih menika taneman kimeng.
Naminipun kimeng. Mbok bilih dereng kathah ingkang mangretosi taneman menika. Taneman ingkang tasih setunggal jinis kaliyan ficus utawi ringin menika sampun wonten ing bumi nuswantara kawit jaman kakek moyang. Nalika jaman rumiyin, kimeng ugi kathah tuwuh ing ara ara, pareden menapadene pinggir lepen tanpa wonten tiyang ingkang mundhut. Danguning dangu, para sutresna bonsai ugi lajeng remen kaliyan taneman kimeng kangge bahan dasar damel bonsai. Kimeng dipun pilih kapandingaken kaliyan ringin mboten sanes saking wujud ronipun ingkang langkung alit lan mengkilat. Wujud pangipun ugi langkung gampil dipun bentuk sarta reginipun ugi langkung awis, umur taneman kimeng ingkang sampun cumawis dipun garap dados bahan bonsai udakawis tiga dumugi sekawan tahun. Ngrimat kimeng menka ugi namung prasaja sanget jalaran taneman menika kapetang gampil gesang. Ingkang baku ugi kedah sregep angenipun ngrempeli ron ingkag sampun jene sarta ndangir sinaambi mbentuk perangan oyot inggilioun supados saget dipun ketingalaken nalika dipun bentuk dados bonsai. Sanadyan sakmenika sampun wonten kathah mankawerni taneman pasren ingkang dipun mekaraken ananging kanyata kawontenanipun taneman bonsai menika tetep nggadahi sutresna piyambak, kepara ing ngayogyakarta menika taksih kathah klempakan para sutresna taneman bonsai.
