TVRI YOGYAKARTA NEWS-JATMIKO HADI
Mlebet ing mangsa pancaroba kados wekdal sakmenika, sawetawis kadang tani ing laladan Kabupaten Kulonprogo wiwit nanem dangsul. Taneman dangsul dipun pilih amargi ing saklebeting budidaya taneman menika, kabetahan toyanipun mboten katah.
Sawetawsi kadang tani ing Kulonprogo ingkang sampun amiwiti nanem palawija mliginipun jinis dangsul inggih menika saking laladan kulonprogo sisih kidul antawisipun ing Kapanewon Galur lan Lendah. Dipun pilihipun komoditas dangsul mekaten mboten sanen amargi taneman menika mboten katah mbetahaken toya, saengga trep sanghet dipun tanem ing mangsa pancaroba kados wekdal sakmenika utawi ing mangsa ketiga. Sawetawis menika mangsa panen taneman dangsul ugi kapetang cekak, inggih menika 90 dinten saking tanem saegt dipun panen. Salah saweneh kadang tani saking dusun karang sewu Kapanewon Galur Kulonprogo prapto wiyono nedahaken, ing saklebeting nanem dangsul menhika piyambakipun namung ginakaken pirantos prasaja wiwit saking kajeng utawi gejug kangge ndamel lobang ing siti. Kangge asil ingkang maremaken saben setunggal lubang tanem piyambakipun nyukani 3 engga 5 winih dangsul.
Pengaosing wininhg dangsul piyambak sakmenika ngancik 15 ewu saben kilonipun. Setunggal kilo wininh dangsul padatan saget dipun tanem ing lahan kanthi wiyar 200 meter persagi. Sawetawis pengaosing dangsul ing pekenan sakmenika watawis 7 ewu dumugi 12 ewu rupiyah saben kilonipun.
