TVRI YOGYAKARTA NEWS-ADI NUGROHO-WENDY
Cara tanem tumpang sari dipun pitados asilipun langklung maremnaken lan murakabi, langkung-langkung menawi njamboraken kekalih taneman kalebet jinis varietas ingkang produktif kadosta lombok lan tomat.
Tumpangsari mekaten mujudaken setunggaling cara ingkang sae kangge nikelaken asiling panen saking kalih jinis komoditas pertanian wonten ing setunggaling lahan. Kathah komoditas pertanian ingkang saged dipun tanem kanthi cara tumpangsari menika. Salah setunggalipun inggih menika taneman tomat kaliyan lombok. Ing sak lebeting nanem tomat menika katindaken kanthi tumpangsari kaliyan taneman lombok. Ing pangangkah samangkenipun sasampunipun setunggaling taneman sampun mboten produktif, taneman sanesipun taksih produktif, saengga asilipun tikel. Taneman lombok menika dipun pilih amargi taksih nggadahi pangajeng-ajeng ingkang sae, sanadyan ing wekdal sakmenika pangrimatanipun langkung setiti awit taksih asringipun jawah. Kawuningana toya jawah menika saged ndayani sawetawis taneman katerak ama lan sesakit, kosok wangsulipun mangsa ketiga ingkag kirang toya ugi nuwuhaken perkawis piyambak, menapa malih taneman lombok ingkang saged kadayan sesakit pathek, mila pancen diupun betahaklen cara ngrimnat ingkang sarwa kaukur lan timbang. Sawetawis kangge taneman tomat menika ama ingkang kedah dipun waspadani inggih menika kutu daun. Kutu daun menika saged ndayani perangan ron dados kriting lan saged ndadosaken perangan ron menika risak. Kangge ngawekani ama menika ing perangan lahanipun saged dipun pasang mulsa plastik, bab menika dipun tindaaken amargi kutu daun jinis menika mboten remen dening cumloroting sunaring surya. Kejawi menika ugi saged dipun semprot mawi insektisida. Bab sanes ingkang kedah dipun gatosaken inggih menika bilih taneman tomat mbetahaken ph antawisipun 5.5 dumugi 7. Menawi siti ingkang badhe dipun tanemi tomat mboten ngandut takeran ph kasebat saged dipun tambahi kapur pertanian ingkang nggadahi fungsi kangge netralaken ph siti.
