TVRI YOGYAKARTA NEWS-SETYA BUDI
Warga Padukuhan Kepek Saptosari Gunungkidul ngadani upacara bersih dusun kanthi gelar pagelaran kethoprak mataram, kanthi lakon jambul kromo yudho ingkang sedaya paraganipun mujudaken warga lokal.
Ing saketngahing lampahing jaman ingkang sarwa modern menika, kanyata seni tradisi budaya kethoprak tasih lestantun ing saktengahing masyarakat. Sutresnanipun ugi mboten namung tioyang sepuh kemawon, ananing wiranem engga para lare. Kados ingkang wonten ing Padukuhan Kepek Saptosari Gunungkidul menika. Ing adicara bersih dusun menika, warga masyarakat sami gelar pasugatan seni budaya kethoprak mataram. Ingkang ndamel mongkok, kethoprak kanthi lakon jambul kromo yudha menika dipun paragakaken ding warga lokal. Warga ingkang sami mirsani kethoprak mataram menika ugi ketingal remen manahipun. Kajawi kangge ngregengaken upacara bersih dusun, pagelaran kethoprak menika ugi mujudaken salah setunggaling kupiya tumut nglestantunaken kethoprak mataram tilaranipun pra leluhur ingkang kedah dipun jagi, pagelaran kethoprak ugi ngemot satunggaling piwucalan babagan solial lan moral.
Warga ngajab pagelaran kethoprak mataram menika saget ajeg dipun gelar, kangge njagi tradisi budaya nenek moyang lan ndudut kawigatosanipun wiranem kangge tumut ambyur ing saklebeting nglestantunaken budaya ingkang adi luhung menika.
