TVRI YOGYAKARTA NEWS-SETYA BUDI
Para pamirsa, puli dados jajanan tradisional saking wos ingkang dumugining wekdal sakmenika tasih saget dipun panggihaken ing peken tradisional. Kajawi dipun damel saking wos pethak, puli ugi saget dipun damel ginakaken wos abrit.
Salah setunggaling peken tradisional ingkang tasih saget dipun panggihaken daharan tradisional puli inggih menika ing Peken Semin Kabupaten Gunungkidul. Menawi padatan jajanan puli menika dipun damel saking wos pethak, ananging ing peken menika saget dipun panggihaken daharan puli ingkang dipun damel saking wos abrit. Sri wahyuni salah saweneh bakul jajanan tradisional ing peken menika waleh, bilih puli gendar saking wos abrit menika sampuun wonten wiwit dasanan tahun kapengker. Katah saking warga masyarakat ingkang langkung milih puli saking wos abrit menika kajawi saking werninipun ingkang nyelenh, raosipun ugi langkung eca. Ing laladan semin gunungkidul, katah cara kangge dahar puli gendar menika, warga padatan dahar puli gendar menika sesarengan kaliyan tempe bacem, srundeng klapa, engga pecel.
Jajanan tradisional menika dipun sade kanthi regi 500 rupiyah kemawon saben irisipun. Saben dinten puli ingkang dipun beta dining sri wahyuni tansah telas dipun tumbas pelangganipun.
