TVRI YOGYAKARTA NEWS-PAULUS YESAYA JATI
Kangge mujudaken lorong sayur, warga Kelurahan Pringgokusuman Kutha Ngayogyakarta sinau caranipun ndamel rabuk cuwer lan namen manekawerni janganan.
Anggadahi gegayuhan badhe mujudaken laladanipun mandiri ingsaklebeting nyekapi kabetahan pangan mlgininipun komoditas janganan. Kaum pawestri ing Kelurahan Pringgokusuman Kutha Ngayogyakarta menika, sami nyratani gladen ndamel rabuk cuwer lan cara nanem taneman janganan ing pekawiosan. Samangkenipun winih taneman menika bahde dipun tanem ing polybag lan dipun papanaken ing tembok griyanipun warga. Bab menika katindakaken awit winatesing lahan ingkang saget dipun mupangataken kangge nanem manekawerni taneman janganan menika. Warga ugi dipun ajari kados pundi ndamel rabuk cuwer ingkang bahan bakenipun ginakaken tigan, penyedap rasa, lan toya resik. Caranipun ndamel bahan – bahan kasebat dipun camour landipun lebetaken ing setunggaling botol . Kangg asil ingkang maksimal rabuk cuwer kasebat dipun papanaken ing papan ingkang benter. Eka yulianta minangka penyuluh ngandaraken, bilih kangge asil taneman ingkang saget tuwuh maksimal, rabuk cuwer kala wau dipun kocoraken ing winih taneman sepindah ing setunggal dintenipun.
Sawetawis menika lurah pringgokusuman supriyadi nelakaken, kajawi nyekapi kabetahan janganan warga, program lorong sayur menika ugi mujudaken kupiya kangge ngijemaken laladanipun.
Kajawi dipun mupangataken kangge nyekapi kabetahan padintenan, asil saking lorongs ayur menika segt dipun sade ing pekenan, ingkang wusananipun saget ningkataken wulu pamedaling warga masyarakat.
