TVRI YOGYAKARTA NEWS – HENDRI SAPUTRA-ABDUL ROCHIM
Para pamirsa, pengrajin pande tosan saking Karangasem, Gilangharjo Pandak Bantul wekdal sakmenika kewetan regenrasi. Para wiranem dereng wonten ingkang purun makarya ing donyaning kerajinan menika.
Padusunan Karangasem, Gilangharjo Pandak Bantul, kaloka minagka punjering kerainan pirantos tetanen, kadosta pacul, arit, lading linggis lan sakpiturutipun. Duk rikala jaman kajayanipun ing tahun pitung dasanan dumugi purwakaning tahun kalih ewonan, ing papan menika wonten puluhan pengrajin ingkang nggantunagken gesangipun saking usaha menika. Ananging gilir gumantosing wekdal, tenaga karyanipun saya suda, lan para wiranem mboten purun nglajengaken usaha menika. Wedal sakmenika namung kantun setunggal pengrajin kemawon ingkang tasih makarya, inggih menika boilah. Wekdal sakemnika piyambakipun dipun biyantu cacah sekawan tenaga karya, menika kemawon yuswanipun ugi sampun sepuh-sepuh. Kamangka rumiyinipun piyambakipun gadhah teaga karya ingkang suka pambiyantu ngancik puluhan tiyang, saya kirangipun tenaga karya menika temtu kemawon, ndamel kewalahan nyekapi pesenan saking lenggananipun. Menawi rumiyin saben dintenipun saged ngasilaken puluhan engga atusan pirantos tetanen, sakkmenika namung sedasaan iji kemawon. Pakaryan ndamel pirantos olah tetanen ingkang dipun tindaken menika tasih kalebet tradisionil lan ngginaken pirantos ingkang sarwa prasaja. Tataran sepisanan ingkang katindaken menawi badhe ndamel pirantos olah tetanen ingih menika nyawisaken bahan baku- nipun, ingkang sae inggih menika ingkang saking waja. Sasampunipun bahan baku sumadiya lajeng dipun besem. sasampunipun werninipun abrit, waja wau lajeng dipun gembleng ngantos dados tipis. Kridha ingkang mekaten wau tansah dipun ambali ngantos tosan utawi waja dados langkung tipis. Sasampunipun dados tipis lajeng dipun kethok jumbuh kaliyan cakrik menapa ingkang badhe dipun damel. Sasampunipun dados setunggaling cakrik salajengipun dipun besem malih. Krida ingkang mekaten menika kalampahan engga kaping puluhan. Piyambakipun ugi gadhah penggalihan ing tembe ngajengipun, ing saklebeting ndamel piranti tetanen menika ngginaken pirantos modern, ananging ugi winates pawitanipun. Asiling kerajinan menika kjawi ing laladan ngayogyakarta kanyata ugi sampun sumebar dumugi sak indenging nuswantara.
