TVRI YOGYAKARTA NEWS – WIDIYANTA-HARIF YUDHA
Para pamirsa, salah setunggaling kupiya kangge nikelaken bobot ekonomining kulawarga inggih menika ngolah legen klapa dados gujahe utawi gula jawa herbal.
taneman klapa kathah tuwuh ing laladan diy wiwit saking dataran andhap engga inggil. Kajawi dipun mupangatken klapanipun sae menika kangge mangsak menapadene dipun pendhet degandipun, saperangan ugi wonten ingkang dipun deres saperlu dipun damel gendis jawi. Saking sakathaing gendis jawi ingkang dipun damel dening pengrajinipun, wonten salah setunggaling jinis gendhis jawi ingkang gadhah raos mirunggan jalaran sampun dipun campur manekawerni raos saking empon-empon. Salah setunggalipun inggih menika gujahe ingkang mujudaken cekakan saking gula jawa herbal. Saking daya kreatifitasipun kaum pawestri menika legen saking klapa dipu nolah, menggah caranipun inggih namung prasaja sanget. Legen dipun mansgak ing latu ingkang ageng nginaken wajan dangunipun tigang jaman langkung, sinambi dipun adhuk-adhuk supados mboten gosong lan kelet. Sasampunipun kalis nembe dipun tambahi ekstrak jahe lan dipun aduk-aduk malih engga nyawiji. Saksampunipun nyawiji, jladrena legen lan jahe ingkang sampun dados wau saklajengipun dipun cithak ing setunggaling wadah mirunggan, menapadene saged ngginaken bathok klapanipun. Usaha ekonomi kreatif ingkang katindaken dening kaum pawestri ing laladan sidoarum menika kanyata pikantuk kawgatosan saking para lenggananipun. Ing saklebeting nyade gujahe menika lumantar medoia online, saben dintenipun saged produksi lan nyade engga puluhan kilogram. Ing tembe ngajengipun ugi badhe mekaraken usahanipun kanthi raos empon-empon sanes, kadosta temu lawak, kunir putih, beras kencur lan sak piturutipun. Gujahe menika saged dipun unjuk kanthi dipun cam[ur toya ingkang benter. Jalaran dipun damel saking empon-empon gujahe menika gadhah mupangat tumprap kasarasaning badan.
