TVRI YOGYAKARTA NEWS – WIDI-HARIF YUDHA
Para pamirsa, ngawekani saya ciuting lahan ing tengah kitha, salah setunggaling cara usaha tani ingkang kationadken inggih menika lumantara tabulampot.
Kados mekaten menika taneman alpukat ingkang dipun mekaraken dening guwa sari training senter ingkang mapan ing, Guwosari Pajangan Bantul. Winih alpukat ingkang dipun tanem wiwit kalih tahun menika sampun ketingal tuwuh kanthi subur, lan sampun wiwit mawoh. Taneman alpukat ingkang dumados saking manekawerni varietas menika dipun tanem ing setunggaling pot saking semen engga pot ingkang dipun damel saking gombal. Neni widuri pengelola guwasari training senter mratelaken bilih taneman alpukat ingkang dipun tanem ing setunggaling pot menika temtuniupun mboten mbetahaken papan ingkang wiyar, lan pas dipun tanem ing laladan kitha-kitha ageng ingkang sampun padhet papan padununganipun. Menggah caranipun ndamel tabulampot alpukat menika ugi sami kaliyan tabulampoit taneman sanesipun. Mjedia tanem ngginaken campuran siti, rabuk organik lan brambut pantun ingkang sampun dipun besem. Ing GTC rabuk ingkang dipun ginaken inggih menika olahan kompos lan bucalan kewan saking gembiro loka zoo, menawi media tanem lan pot sampun cumawis sakaljengipun pot dipun isi sepalih ipun, nembe winih dipun tanem lan dipun urug media tanem malih. Sawetawis pangrimatanipun cekap dipun siram kanthi ajeg, sampun ngantos media tanem dados garing, jalaran dipun tanem ing setunggaling pot, kanthi tujuwan taneman mboten saged tuwuh inggil lan ageng kedah dipun kethoki pang—pangkipun jumbuh kaliyan kekajengipun pembudidaya alpukat. Ing papan menika wonten puluhan jinis taneman alpukat wiwit saking aligator, micki, kendil lan sakpiturutipun.
