TVRI YOGYAKARTA NEWS – SETYA BUDI
Kadang tani janganan mligi kangge jinins terong ing laladan Wonosari Gunungkidul mongkok manahipun, awit pengaosing terong saking tataran kadang tani mindhak 2 lipetipun saking regi padatan, ngancik 6 ewu rupiyah saben kilonipun.
Ing sak tengahing andhapipun sawetawis pengaosing janganan kadasta kangkung bayem lan lombok, ananging regi terong kapetang inggil. Ing tataran kadang tani regi terong sakmenika mindhak kalih dumugi tiga lipetipun saking regi wulan kapengker. Kawontenan menika tentunipun ndamel bebathenipun kadang tani terionmg ugi langkung katah. Wartini salah saweneh kadang tani terong saking laladan dusun dung gubah wonosari ngandaraken, mindhakipun regi teroing sampun dumados wiwit diten riyaya idul fitri kala wingi. Lan sakmenika pengaosing terong ijem sakmenika ngancik 6 ewu dumugi 7 ewu rupiyah saben kilonipun. Kamangka ing kawontenan nurmal, regi terong namung 2 ewu dumugi 3 ewu rupiyah saben kilonipun. Piyambakipun ndugi bilih inggilipun pengaosing terong menika amargi pasudiyan ing pekenan ingkang tasih winates awit mboten katah kadang tani ingkang nanem terong.
Watini piyambak nanem terong engga 300 batang, lan saben panen piyambakipun radin – radin saget pikantuk engga 60 kilo terong.
