TVRI YOGYAKARTA NEWS – WIDI – YUDA
Pagesanganing kadang tani ing laladan dondong banjar arum kalibawang kulonprogo wekdal samenika saya rekaos, ing satengahing saya awising beya produksi olah tetanen, manekawerni taneman ingkang dipun tanem dening kadang tani sami dipun rebasa wontenipun ama tikus. suwanti salah saweneh kadang tani saking ndondong kalibawang mratelaken bilih tahun menika, ngrebasaning ama tikus langkung awrat kapandingaken kaliyan tahun kapengker. taneman pantun, ingkang nembe dipun tanem, enjingipun sampun blasah bosah-baseh dipun pangan tikus. manekawerni werni cara sampun katindakaken kangge ngendhaleni ama tikus menika kadosta gropyokyan, nyukani tetedhan ingkang dipun campur racun tikus menapadene nggginaken mengsah alami kadosta sawer lan peksi tito alba, ewasemanten asilipun mboten maksimal. suanti saklajengipun namung ngresiki sisa-sisa wit pantun ingkang dipun pangan tikus , saklajengipun dipun semprot obat, saengga kaangkah saged tuwuh tukulan enggal utawi singganipun malih. miturut suwanti menawi kedah nyulanmi ugi badhe namung siya-siya kemawon. ngrebasaning ama tikus ing tahun menika jalaran kadang tani ing saklebeting nanem pantun, mboten sesarengan utawi serentak ing setunggaling hamparan. kajawi menika varietas pantun ingkang dipun tanem dening kadang tani ugi mboten sami sedayanipun. bab menika kadugi ingkang njalari saya ngrebasaning ama tikus., kaajwi dipun rebase ama tikus taneman pantun gadhahanipun kadang tani ing laladan menika ugi katrajang wontenipun sesakit kresek. kadang tani nyuwun bebadan ingkang kawogan paring sesuluh cara ngendhaleni ama tikus lan kresek ingkang irit lan murakabi, saengga asiling olah tetanen saged sae.
