TVRI YOGYAKARTA NEWS – WIDI – HARIF YUDA
Supados saged ngasilaken bibit ingkang pinunjul, kadang tani ternak saking laladan kweni, panggungharjo, Sewon Bantul ngawin silangaken menda jinis morino kaliyan menda gembel lokal.
Menda gembel lokal mujudaken salah setungaling jinis menda ingkang kathah dipun budidaya dening kadang tani. Emanipun saking produktifitas dagingipun kapetang andhap. Kangge nikelaken produktifitas, saklajengipun kadang tani ingkang maunggal ing klempakan pembudidaya menda sidomaju kalih saking kweni, Panggung Harjo, Sewon Bantul ngawin siangaken babonan menda gembel lokal kaliyan menda morino. Edy saweneh kladang tani ngandaraken bilih menda morino mujudaken salah setunggaling jinis menda ungggul, ingkang gadhah kaluwihan cakreikipun badan ageng saengga karkas dagingipun langkung kathah. Saking asiling kawin silang menika kaajab saged ngasilaken menda ingkang ukujranipun ageng saengga karkas dagingipun kathah sarta tahan saking manekawerni sesakit, sarta nikelaken bobot ekonominipun menda gembel lokal.
Anakan kawin silang utawi cempe antawisipun menda morino sarta gembel llokal menika, tuwuhipun ugi langkung cepet. Cempe sekawan wulanan dipun sade setunggal yutanan rupiyah dumugi setunggal setengah yuta gumnantung kaliyan jaler, setrinipun sarta bobot kasaenanipun menda piyambak.
