TVRI YOGYAKARTA NEWS – HENDRY SAPUTRA – ABDUL ROHIM
Budidaya taneman cara minahorti taksih dados setunggaling cara menggahing kadang tani kangge nikelaken asiling olah tetanen ing setunggaling lahan. Kados ingkang dipun tindaaken kadang tani ing laladan pleret bantul ingkang nindaaken budidaya kacang, bayem lan lombok.
Kados mekaten menika tumpangsari ingkang dipun tindaaken dening setunggaling kadang tani ing laladan pleret bantul menika. Lahan ingkang dipun sewa menika dipun mupangtataken kanthi sae kangge nindaaken budidaya taneman olah tetanen inggih menika kacang brol, bayem lan lombok. Tiga jinis taneman olah tetanen menika dipun pilih ingkang jinis unggul. Upaminipun lombok ingkang dipun pilih inggih menika jinis ori ingkang nggadahi kelangkungan saged tahan saking ama pathek. Sakdangunipun nanem lombok ori menika kanyata taneman lombok mboten katerak ama pathek. Menawia wonten inggih namung setunggal kalih kemawon, menika ugi arang sanget. sawetawis menika, taneman bayem ingkang dipun tanem mangkeh badhe saged dipun panen setunggal wulan malih. Sawetawis kangge taneman kacang lan lombok ugi sami, badhe dipun panen sesarengan. Sanadyan wekdal panen saking tiga jinis taneman menika sami ananging anggenipun nanem benten wekdalipun. Taneman kacang mujudaken steunggaling komodisti olah tetanen ingkang dados pangajeng-ajengipun kadang tani. Menapa malih pengaosipun ugi kapetang ajeg. Kadang tani ngajab semangkeh menawi panen reginipun saged langkung sae malih. Kanthi cara nanem tumpangsari menika idpun ajab saged nikelaken asil lan kangge ngawekani menawi wonten setunggaling jinis taneman budidaya pengaosipun ing pekenan anljog. Karesikaning lahan ugi kedah dipun gatosaken kangge ngawekani wontenipun ama lan sesakit ingkang saged ndamel mandhaping asil panen.
