TVRI YOGYAKARTA NEWS – WIDI – HARIF YUDA
Usaha budidaya semut anggkarang utawi kroto mujudaken setunggaling usaha ingkang gadhah kalodhangan peken ingkang tinarbuka. Sinasoa namung sepele asilipun mikolehi , engga yutanan rupiyah saben panen.
Kebetahan kroto utawi tigan semut ngangrang kalebet inggil mliginipun kangge pakan peksi ocehan, iwen sarta kangge mancing. Menawi namung mendhet kroto saking alam temtunipun mboten badhe nyekapi,nsaengga nindaken usaha budidaya semut ngangkrang menika gadhah kalodhangan ingkang sae.Saben sekilo kroto pengaosipun ngancik kalih atus tigang dasa ewu rupiyah. Cara budidaya semut ngangrang menika mboten ing setunggaling wit, ananging ing wadhah toples saking mika, ingkang dipun bolong minangka mergi medal lan mlebeting semut. Toples menika saklajengipun dipun papanaken ing setunggaling rak, Supados semut indukan wau mboten pindhah ing sikilanipun rak dipun sukani toya, lisah goreng menapadene olie. Ing saklebeting nindaken budidaya semut ngangrkrang menika ngginakaken pakan arupi uler Hongkong. Saben kalih welas toples namung mbetahaken setunggal ons uler Hongkong saben minggunipun; sawetawis ombenipun ngginaken toya setunggal gelas ingkang dipun campur gendis pasir stunggal sendok. Padatanipun setunggal wulan semut-semut menika sampun nigan lan saged dipun panen. Ing mangsa rendheng akdos wekdal sakmenika, supados budidaya semut kroto asilipun maremaken, mebtahaken setunggaling cara ngopeni ingkang mirunggan, inggih menika langkung setiti anggenipun nggulawenthah . Ing mangsa rendheng, kados sakmenika regi kroto nembe awis-awisipun, jalaran sekedhikipun toiyang ingkang pados kroto ing alam.
