TVRI YOGYAKARTA NEWS – ADI NUGROHO
Kathah ingkangh gadah pekawisa griya ingkang dipun kendhelaken kewaon tanpa ndatengaken mupangta, kamangka menawi dipun olah kanti pawitan sekedhik kemawon, pekawisan saged dados lahan produktif ingkang ngasilaken sinaosa namung ciut, salah setunggalipun dados lahan toga utawi taneman obat.
Sawetawis tahun pungkasan menika pengobatan herbal saya ngrembaka. Yektosipun kawit rumiyin, moyang bangsa indonesia sampun pana ing babagan pangusadan ngangge maneka jinis taneman. Para ahli ing babagan kesehatan ugi sampun nindakaken panaliten, sarta ndamel standar pelayanan medik herbal. Nguningani wigatining taneman obat wau, Ali warga Pandowoharjo bantul ugi ada ada mbudidaya taneman. Ing pekawisan griyanipun menika kebak taneman, ing antawisipun sere, kumis kucing sambung nyawa, lidah buaya, teleng, daruju, patah tulang lan sapanunggalipun. Sampun dasanan tahun, mbudidaya budidaya taneman obat, wiiwt saking sekedhik dumugi sakmenika kapetang sampun jangkep. Wonten watawis gangsal atusan jinis ingkang dipun rimat dening ali kanthi tumemen ing polibag, menapadene dipun tanem mlangsung ing siti. Kajawi mupangat kangge keluarga, asiling budidaya taneman obat menika ugi mupangat menggahing sesami. Perangan taneman ingkang dipun pendhet kangge obat inggih menika ron, oyot, sekar sarta witipun. Menggah caranipun kanthi dipun godhog langkung rumiyin, menapadene dipun dhahar minangka lalapan. Kangge mangertosi jinis taneman obat, mupangat sarta caranipun ngemonah dados obat, Ali ugi kathah nawung ngilmi herbal ing pundi pundi papan, kathah maos sarta nggegulang lumantar buku-buku ingkang njlentrehaken babagan herbal.
