TVRI YOGYAKARTA NEWS – HENDRY SAPUTRA
Dumugi wedal sakmenika, ulam koi tasih dados ulam pilihanipun para sutresna ulam hias. Babagan regi, ulam koi kalebet ajeg, mila nindhakaen budidaya koi tasih dados kalodangan ingkang sae.
Sinten ingkang mboten remen ningali endahing ulam koi. Saya malih menawi ulam koi meniak ketingal saras, werninipun ingkang mencorong sarta polanipun ingkag endayh.Ulam koi mujudajken setunggaling ulam hias toya tawar ngkang kalebet unggulan. Cakrik badanipun lonjong sawetawis wernining sisik manekawerni, ndamel ulam jinis koi menika kathah dipun remeni para sutresnaipun. Ulam menika ugi nggadhahi pengaos ekonomi ingkang inggil jalaran bobot ulam ingkang sae reginipun saged ngancik yutanan rupiyah. Agus salah saweneh kadang tan ingkang nindaaken budidaya ulam koi inggih menika ing cangkringan Sleman, sampun dangu ngrintis budidaya ulam koi wiwit sakig setunggal blumbang alit kemawon dumugi wekdal samenika piyambakipun gadhah atusan indukan ulam koi ing dasanan blumbang, sae blumbang semen ing pekawisan griya menapadene blumbang siti ing sabin. Saking indukan wau saben ijinipun sadangunipun tigang wulan saged nigan engga kawan dasa ewu iji nangin ingkang dados winih ulam inggih namung seprasekawanipun kemawon, menika kemawon sampun kalebet sae. Kathah perkawis ingkang damel gunggung winigh koi mboten saged dados kathah. Salah setunggalipun amargi kawontenan cuaca ingkang mboten mesthi. Saged kawuningan,,regining winih ulam sasampunipun nem wulan gumantung bobot kasaenanipun, ingkang sae saben ijinipun saged ngancik selangkung ewu sawetawis ingkang namung biasa kemaown, saben ijinipun gangsal ewu rupiah. Kajawi saged ipun ingah ing setunggaling aquarium, ulam menika ugi saged dipun ingah ing blumbang ingkang dipun damel ing griya minangka kangge klangenan. Pangrimatanipun kalebet gampil ingkang wigati toya kedah resik, sawetawis pakanipun saged ngginaken pelet. Ulam koi menika saged gesang engga dasanan tahun, sepanjang dipun rimat kanti leres lan boboting toya ugi kajagi sae.
