TVRI YOGYAKARTA NEWS – WIDI – HARIF YUDA
Praon cawan mujudaken setunggaling jujugan wisata ingkang dumunung ing akpinggiring lepen progo pas ipun ing Dusun Cawan, Argodadi, Sedayu, Bantul. Papan menika wiwit dipun mekareken dening warga amsyarakat rikala tahun kalih ewu piotulas lan nembe dipun kepyakaken ing tahun kalih ewu wolulas.
Ing papan menika para pelancong saged mirsani kaendahan ilining lepen progo, dipun tambah seeswangan alam ingkang badhe ndamel sosk sintena kemawon ingkang ngendhangi papn menika badhe betah. Kawontenan hawa ingkang seger badhe saya ndamel tentremiong manah. Kajawi saged amirsani kaendahaning alam, ing jujugan wisata menika ugi saged numpak prau menapadene kano ingkang dipun cawisaken dening pengelola wisata. Minagka jejangkeping wisata, ugi sampun dipun bangun wontenipun papan patusarasan, menapadene setunggal pendapi deling ingkang dipun damel prasaja, sarta gasebo ing sakpinggiring lepen. Kangge nambah asrinig swasana ugi dipun tanemi manekawerni taneman sekar.
Papan wisata paron cawan menika duk rikala jaman kawuri mujudaken papan dermaga prau gethek kangge nyebrangaken warga saking laladan sedayu tumuju ing laladan sentolo. Saking sujarah ingkang wonten kala wau saklajengipun warga masyarakat sinenagkuyung dening pamarintah padukuhan, mekaraken wisata praon cawan minangka peranganing nguri-uri sujarah. Ing papan menika para pelancong ugi saged ngedhapi wontenipun manekawerni kuliner ingkang dipun cawisaken dening warga masyarakat, wiwit saking ingkung, manekawerni emping sarta unjukan tradisional. Ing tembe ngajengipun, ing laladan menika ugi badhe dipun mekaraken wontenipun kebon who-wohan ingkang badhe katanem ing sak pinggiring lepen.
