TVRI YOGYAKARTA NEWS – WENDY – JOKO
Perkakas griya saking rotan nengsemaken, rotan gampil dipun damel dados maneka wujud lan pengaosipun langkung mirah kapandhingaken kaliyan perkakas saking kajeng utawi waja.
Perkakas menika dipun damel saking rotan utawi menjalin. Kathah-kathahipun barang menika mujudaken kintunan saking cirebon, minangka satunggaling punjering kerajinan rotan ing indonesia. Asling karya UKM wau lajeng dipun kintun dhateng kitha-kitha sanes, klebet dhateng kios seroja rotan, ing Mangunan, Kalitirto, Berbah, Sleman, seminggu sepisan, perkakas saking menjalin, ing antawisipun meja kursi, wadhah pot, rana lan sanes-sanesipun, kapandhingaken kaliyan mebel saking kajeng, lan waja, pengaosing perkakas menjalin menika kepetang langkung mirah. Meja kursi dipun aji wolung atus ewu rupiah, partisi utawi rana gangsal atus ewu rupiah. Sri harti, bakul kerajinan rotan nyariosaken, sadanguning pageblug covid sembilan belas menika, gunggunging barang ingkang pajeng suda kathah. Sawetawis tahun kepengker, saben ngajengi bakda riyadi, para bakul ngantos katelasan barang jalaran laris., bakda tahun menika susut kathah, ewosemanten taksih rumaos lega, jalaran lengganan saking manca negari mboten medhot sesambetan. Lumantar online, lengganan saking manca negari pesen partisi., barang wau dipun kintun dhateng Belanda lan Australia, saben tigang wulan sepisan, perkakas menjalin menika entheng, saengga gampil dipun geser-geser dhateng papan sanes.
