TVRI YOGYAKARTA NEWS – HENDRY SAPUTRA – ABDUL
Jeram nggadahi sawetawis jinis ingkang kathah gunggungipun, salah setunggalipun inggih menika jeram ranti ingkang dipun budidaya wonten ing kebon gadahanipun warga ing laladan Sumberagung Bantul menika.
Kados mekatenm menika taneman jeram ranti utawi kathah ingkang nyebat jeram kingkit ingkang sampun amwoh. Perangan wohipun kathah lan werniniun abrit lan gunggungipun kathah. Taneman menika dipun budidaya wonten ing kebon woh gadahanipun warga ing Dusun Bungas Sumberagung Jetis Bantul. Taneman jeram ranti kalebet tanemen grumbul utawi semak ingkang saged tuwuh engga tigang meter inggilipun. Taneman tropis menika gadhah ciri mirunggan, ron majemukipun, kanthi werni ijem tuwa gilap sarta lonjong. Sekaripun gadhah werni pethak sawetawis wohipun bunder lonjong, werninipun ijem nalika tasih enem lan dados abrit menawi sampun tuwa. Taneman jeram ranti menika cocok dipun tanem ing siti lempung, pasiran lan kirang sae kekathahen toya. Panyiramaning taneman katindaken sepisan sedintenipun, kanthi paparan sinar surya, ingkang kathah. Taneman jeram ranti menikia sampun mawoh, sasampunipun wolung wulanan. Taneman menika ugi saged dipun dadosaken kangge uyup-eyup pekawisan, pager menapadene dipun dadosaken bonsai. Jeram menika ugi gadhah mupangat ing donyaning kasarasan, kadosta ngusadani cekoh, ngendaleni sesakit kulit ingkang dipun sebabaken dening jamur. Sawetawis perangan ron gadhah mupangat kangeg ngusadani gerah padaran lan perkais pencernakan kadosta mual, mules, diare engga sembelit.
