TVRI YOGYAKARTA NEWS – ADI NUGROHO – YUDHA
Kangge nyekapi kabetahann protein hewani tumprap kulawarga saged nindaken usaha ngingah lele ing salebeting ember.
Kawontenan lahan menapa dene pekawisan griya ingkang saya ciut ing kitha ageng kanyata tasih saged dipun mupangatken kangge ngingah ulam lumantar setunggaling cara mirunggan, ngingah lele ing salebeting ember kanti mupangataken sistem aerasi toya mili. Cara menika kados inkang dipun mekaraken dening winarto warga wonokerto turi sleman ingkang ingkang kreatif damel ember menika dados papan kange mbudidaya lele. Ing saklebeting ngingah lele katindaken ing setunggaling ember, sawetawis ing nginggilipun miturut rantamanipun badhe kaisi taneman aquaponik janganan mliginipun kangkung. Lumantar cara menika asilipun saya tikel tekuk jalaran wonten kalih komoditas ingkang saged dipun panen. Saben setunggal ember dipoun isi kawan dasa gansal lele. Cara ngrimat ugi mboten bedha kaliyan ngrimat lele sanesipun. Pakan ugi sampun ngatos kasep. Kaluwihan budidaya kanti cara menika, kejawi ngirit papan, kanyata ugi ngirangi gandha lele nalika dipun budidaya. Kejawi menika ugi langkung saras jalaran toyanipun mili. Kajawi menika toyanipun ugi dipun mupangataken kangge nyirami taneman ingkang dipun tanem ngginaaken pralon menapadene, polibag. Cara olah tetanen ingkang njamboraken taneman lan ulam menika temtunipun mujudaken setunggaling cara ingkang kreatif, kangge nyekapi gisi lan protein ngiras pantes ngirit arta blanja.
