TVRI YOGYAKARTA NEWS – MUCHAMAD RIDWAN
Katah jinis kewan ruminansia ingkang saget dipun ingah kangge dipun dadosaken tabungan ing wekdal samangke, salah setunggalipun inggih menika maesa. Kajawi anggenipun ngingah gampil, pengaosinbg maesa ugi kapetang ajeg.
Ing wekdal sakmenika sampin awis – awis dipun prangguli maesa ing padesan. ananging sinaosa mekaten dumugi wekdal sakmenika tasih wonten kadang tani ternak ingkang ngingah maesa mingangka kangge klangenan. Kados ingkang dipun tindakaken dining sangaji, waga saking Dusun Kendal, Kalurahan Bangunkerto, Kapanewon Turi, Sleman menika. Miterat piyambakipun, rumiyinipun laladan pandansaren mujudaken salah satunggalaing laladan ingkan dados punjering ternak maesa. Ananging jumbul kaliyan lampahing wekdal, sakmenika sampun mboten katah ingkang ngingah maesa. Proses kawin alami ingkang mbetahaken wekdal ingkang dangu, ndadosaken kadang tani ternak maesa ing papan menika lajeng gantos ngingah kewan jinis sanesipun. Kamangka kajawi dados kewan klangenan, ngingah maesa ugi saget dipun dadosaken tabungan. Sangaji waleh piyambakpiun badhe nyade maesanipun ing wekdal – wekdal tinamptu, kadasta kangge beya hajatan, kepara ugi kangge beya sekolah putranipun. Ngingah maesa mekaten sakjatosipun mboten ewet, babagan pakan piyambakipun nyukani ijeman lan damen ingkang tasih katah dipun prangguli ing sak kiwatengenipun. Menapa malih maesa mekaten mujudaken salah satunggaling kewan ruminansia inghkang mboten mbetahaken komboran ingkang katah, saengga saget ngirit beya pangrimatan. Kajawi menika ngingah maesa ugi saget lumantar ngangon utawi dipun umbar ing sabin, menawi sampun sonten dipun lebetaken malih ing kandang.
Pengaosing maesa ugi kalebet ajeg, ing umur 1,5 dumugi 2 tahun saget dipun sade kanthi regi 15 yuta rupiyah. Piyambakipun ugi bade tansah ngingah maesa minangka tabungan.
