TVRI YOGYAKARTA NEWS – WIDI – HARIF YUDA
Usaha budidaya jahe merah, ingkang katindaken deing warga masyarakat ing plumbon, banguntapan, bantul, asilipun kanyta mikolehei. Setunggal kilo jahe merah sakmenika pajeng selangkung ewu rupiyah.
Taneman jahe abrit saged tuwuh ing laladan tropis lan sub tropis. Taneman menika asalipun saking india lan sumebar dhateng negari sanesipun, klebet indonesia. Ing Indonesia, jahe abrit saget tuwuh kanthi sae ing laladan ingkang inggilipun watawis kalih atus ngantos nem atus meter saking seganten. Kajawi dipun tanem ing lahan konvensional, taneman jahe abrit menika saged dipun tanem ing setunggaling polibag. Saweneh laladamn ingkang warganipun nindaken budidaya jahe merah inggih menika padusunan babadan, bangun tapal bantul. Jalaran winatesing lahan uaha budidaya jahe merah menika katindaken ing setunggaling polibag. Media tanem ingkang dipun ginaken inggih menika campuran siti, rabuk kandang sarta brambut pantun. Rabuk ingkang dipun ginaken langkung sae menawi rabuk ingkang sampun dipun olah, kangge ngirangi wontenipun ama uret. Ing sak lebeting nanem jahe abrit ingkang kedah dipun gatosaken inggih menika winih kedah sae, alus, ageng lan mboten kisut, saengga mboten gampil pejah nalika dipun dhedher.
Craning ngrimat taneman ingkang dipun tanem ing polibag inggih menika ajeg dipun sirami media tanemipun sampun ngantos garing. Sawetawis ama ingkang asring ngrebasa inggih menika uret ingkang mangan rimpang jahenipun lan uler ingkang ngrebasa perangan ronipun. Jawi menika suket ingkang tuwuh ing media tanem kedah dipun resiki,supados unsur hara mboten rebatan kaliyan taneman jahenipun. Taneman jahe menika sampun saged dipu [panen wiwit kalih engga tigang wulan saking tanem. Jahe abrit menika dipun mupangataken kangge bumbu mangsak menapadene jampi. Jahe merah menika ngandut lisah atsiri. Jahe Ingkang sampun garing, kandhutan lisah atsiri ngancik tigang persen. Pekenan jahe abrit, wekdal menika tasih tinarbuka. Kejawi wonten ing peken tradisional, jahe abrit menika ugi sampun kathah dipun sade wonten ing peken modern kanthi regi ingkang kapetang awis. Kepara usaha budidaya jahe ingkang katinadken dening warga plumbon menika,sampun tembayatan kaliyan salah setunggaling perusahaan jamu.
