TVRI YOGYAKARTA NEWS – ABDUL ROHIM – WENDY
Tansaya winatesing lahan ngiras pantes nikelaken bebathen saking olah tetanen, budidaya kanthi cara minahorti tansaya klathah dipun tindaaken dneing kadang tani, kadosta minahorti tomat.
Saking sakathahing jinis taneman olah tetanen ingkang wonten, taneman tomat dados pilihanipun kadang tani. Kejawi pawadan asil panen ingkang langkung kathah ing steunggal wit, taneman tomat kapetang kiyat ngajengi kawontenan hawa ingkang asring mboten tinemntu. Namung kemawon pancen wonten sawetawis sesakit ingkang saged nerak taneman tomat menika, mila kathah kadang tani ingkang lajeng mbudidaya taneman tomat kanthi cara minahorti kalyan taneman saneispun. Kados ingkang dipun tindaaken dening kadang tani ing dusun tukan sanden bantul menika ingkang mbudiaya taneman toimat kaliyan sawi. Anggenipun ngrimat taneman menika ugi kapetamg gampil, ingkang baken, kadang tani kedah greteh anggenipun ngrempeli ron-ron tomat ingkang sampun awon menapa dene ingkang brintik kenging jamur, supados mboten nyebar. Ama ingkang kedah dipun gatosaken inggih menika busuk batang ingkang saged ndamel taneman tomat pejah. kangge nrenggalani manekawerni sesakit, salah setunggaling cara inggih nyemprot mawi pestisida. Kejawi menika enggal nyemprot toya resik sasampunipun taneman tomat kenging toya jawah. Sawetawis babagan rabuk siti namung ngginaken rabuk organik saking bucalan lembu lan menda. Langkung tandes piyambakipun ngandaraken bilih taneman tomat mekaten taksih kapetang sae dipun budidaya amargi panyuwunanipun ingkang ajeg.
