TVRI YOGYAKARTA NEWS – WIDI
Para pamirsa, gotong royong utawi gugur gunung mujudaken setunggaling kearifan lokal ingkang dumugi samenika tasih dipun leksanaaken warganing masyarakat, kados pundi warganing masyarakat sami nindaken gotong royong sumangga kita pirsani lapuran menika.
Kados mekaten kridhning warga masyarakat saking Padusunan Nogoari, RT 33 lan 34 RW 17 Purwasari Girimulyo Kulonprogo, nalika nindakaaken gugur gunung utawi gotong royong ndamel papan padununganipun saweneh warga. Tanpa mbenten-mbentenaken ing antawisipun penjawat kaliyan warga sanesipun, warga sami guyup rukun, awrat sami dipun pikul sesarengan mekaten ugi menawi entheng inggih sami dipun cangking searengan. Bentering sunaring surya mboten dipun raosaken dening warga msyarakat. Kanthi suka renaning manah lan greget gotong royong ingkang inggil warga masyarakat mboten sami nggresula. Raos sesarengan dados setunggaling tangsul ingkang kiyat ing antawisipun warga msyarakat nalika anglampahi gesang bebrayan ing satengahing masyrakat. Suharjo sesepuh Padusunan Nogosari mratelaekn bilih greget gotong royong ingkang dipun tindaken dening warga masyarakat saking tlatath tirtomartani menika sampun katanem ing salebeting gesang bebrayan agung, wiwit jaman rumiyin. Kridha ingkang kados mekaten menika sampun dipun tindaken minagka peranganing gesang ingkang dipun warisaken saking para leluhur. Mboten namung nalika wonten setunggaling pembangunan infrastruktur kemawon ing salebeting ninfdaken gotong royong ananging nalika wonten warga sanesipun ndamel griya, kenduri, lan sapanunggalipun, warga sanesipun kanthi manah sukarila tansah asung panyengkuyung tanpa ngetangaken opah menapa malih bebathen.
Setunggaling kawontenan ingkang benten sanget kaliyan masyarakat ingkang kaangeb modern ingkang tansah ngoyak kamajengan ingkang dipun sambetaken kaliyan babagan materi utawi bandha. Warga msyarakat ing nogosari, purwosari, girimulyo tsih tetep njagi lestantuning greget gotong royong. Ing atengahing lunturing greget gotong royong ing wekdal samenika ingkang langkung neneganaken sipat matelialistik, warga masyarakat badhe tetep anguggemi bilih gotong royong utawi gugur gunung mekaten badhe saged ngadhepi wontenipun pepalang ing satengahing bebrayan ageng.
