TVRI YOGYAKARTA NEWS – JATMIKO HADI
Beksan teatrikal keistimewaan dipun gelar mengeti 12 Tahun Undang-Undang Keistimewaan DIY, ing Kabupaten Kulonprogo. Lumantar gelaran menika para seniman ajak-ajak dumateng generasi muda supados tansah ngengeti prastawa menika.
Kados mekaten menika pentas teatrikal fragmen beksan kanthi irah-irahan Keistimewaan ingkang dipun paragaaken dening para seniman saking Kabupaten Kulonprogo kangge mengeti 12 Tahun Undang-Undang Keistimewaan DIY. Pentas menika idpun gelar wonten ing Taman Budaya Kulonprogo ingkang nyariosaken rerangkening sejarah Kesitimewaan DIY. Krida menika idpun kepyaaken dening penjabat Bupati Kulonprogo Srie Nurkyatsiwi, krida pengetan 12 Tahun Keistimewaan DIY menika mlampah kanthi khidmat. Krida menika ugi dipun sartani dening sawetawis kepala perangkat daerah, panewu, perwakilan kalurahan, guru engga para veteran. Lumantar acara menika kaajab supados Undang-Undang Keistimewaan DIY mboten namung setunggaling pengetan kemawon ananging dados setunggaling sujarah kangg enjagi lan mekaraken Keistimewaan DIY dening sedaya warga masyarakat Ngayogyakarta.
Kejawi beksan teatrikal ing acara menika ugi dipun gelar talkshow budaya. Kanthi gelaran menika dipun ajab kathah wiranem ingkang tansaya nresnani lan mongkog wontenipun Kesistimewaan DIY lan njagi kalenggahan Ngayogyakarta minangka laladan ingkang nggadahi predikat istimewa.
