TVRI YOGYAKARTA NEWS – JATMIKO HADI
Ing mangsa panen ingkang kaping kalih menika, asil pantun ing laladan Kabupaten Kulonprogo manhdap kabandingaken kaliyan asil panen sakderengipun. Kawontenan siti ingkang garing lan munduripun mangsa tanem, dipun dugi ingkang mangaribawani asil panen pantun mandhap.
Salah saweneh kadang tani saking Kalurahan Sogan, Kapanewon Wates, Kulonprogo Sudiyo ngakeni, bilih ing mangsa panen pantun sakmenika, asil panenipun mandhap kabandingaken mangsa panen sakderengipun. Manhdapipun asil panen pantun menika nganciki 50 persenipun kabandingaken asil panen padatan. Ing lahan 500 meter persagi menika, menawi ing mangsa panen sakderengipun Sudiyo saget pikantuk asil panen ngancik 7 sak gabah, nanging ing mangsa panen ingkang kaping kalih menika piyambakipun namung pikantuk 3 dumugi 4 sak gabah kemawon. Mangsa tanem ingkang mundur setunggal wulan, lan mangsa ketiga ingkang panjang menika. Ingkang dipun dugi mangaribawani asil panen pantunipun mandhap. Kajawi kapangaribawa mangsa ketiga, tasih wontenipun ama wereng ingkang ngrebasa taneman pantunipun, ugi mangaribawani asil panenipun kirang sae.
Sudiya ngajab, jawah enggal mandhap ing laladan kabupaten kulonprogo saengga piyambakipun lan kadang tani saensipun saget amiwiti mangsa tanem ingkang kaping tiga, kanthi nanem pantun malih.
