TVRI YOGYAKARTA NEWS – JATMIKO HADI
Puluhan hektar taneman pantun ing laladan Kabupaten Kulonprogo sami puso, ing pucuking mangsa ketiga. Pejahipun ilen-ilen wiwit sawetawis wulan menika, ndamel kadang tani langkung milih ngejar-aken lahan tetanenipun.
Kados mekaten menika kawontenaning lahan olah tetanen gadahahnipun kadang tani ing laladan Kapanewon Panjatan Engga Galur, Kulonprogo, ing puicuking mangsa ketiga. Puluhan hektar lahan ingkang padatanipun dipun tanemi pantun lan pala wijo, ketinggal puso. Kadang tani langkung milih mboten nanem komoditas menapa kemawon, sasampunipun mangertosi kawonteanning lahanipun ingkang garing jalaran mboten pikantuk pasokan toya, sae menika saking toya jawah, toya tanah, menaapdene saking ilen-ilen irigasi. Agus hidayat saweneh kadang tani nyebataken bilih garingipun lahan tetanen ing laladan bulak sawah bugel panjatan, engga bulak silir agung, karangsewu menika sampun ajeg dumados ing mansga ketiga. Kadang tani padatanipun badhe amiwiwti tanem sasampunipun mangsa jawah menaapdene nalika ilen-ilen irigasi sampun mili malih. Kajawi kangge ngawekani dumadosing gagal panen, mandhegipun tetanen menika ugi saged kangge ndamel ngasoning pasiten, saengga saged maksimal ing mangsa tanem candhakipun.
