TVRI YOGYAKARTA NEWS – SETYA BUDI
Ing saktengahing pangginaning bahan bakar saking gas, areng kajeng kanyata dumugining wekdal sakmenika tasih kathah dipun padosi ngakathah. Engga sepriki pengrajiin areng kajeng tasih nglampahi usahanipun kangge nyekapi kabetahan pelangganipun.
Kerajinan areng saking kajeng ingkang dipun damel kanthi cara tradisional tasih kathah dipun panggihaken ing laladan Kabupaten Gunungkidul. Sawetawis laladan ing wewengkon Kabupaten Gunungkidul ingkang dados punjering kerajinan areng inggih menika ing Kapanewon Patuk, Panggang, Playen, engga Purwosari. Usaha menika kadosdene mboten ical kagerus arusing jaman, sinaosa bahan bakar sakmenika kathah-kathahipun ngginaken gas utawi LPG, ewasementan panyuwuianan areng kajeng ugi tasih kathah. Areng kajeng saking gunung kidul menika kepara kathah dipun padosi pelaku usaha saking sakjawining laladan. Manekawerni jinis usaha kuliner kadosta angkringan, wande sate tongseng, engga daharan mirunggan bakmi jogja tasih ajeg nyuwun pasokan saking para pengrajin areng. Kawontenan ingkang meekaten menika dipun syukiuri dening karyoto saeneh pengrajin areng saking Padukuhan Prau, Girimulyo, Panggang. Usaha ingkang sampun kalampahan kawit piyambakipun tasih mudha, engga sepriki tasih lumampah sae lan dados sumbering wulu wektu tumpram kulawarganipun. Sampun kawan dasanan tahun piyambakipun makarya dados pengrajin areng, manis paiting usaha ugi sampun dipun temahi.
Sakmenika pengrajin areng kathah-kathahipun katindaken pengrajin ingkang ytuswanipun sampun sepuh. Kadang pengrajin pitados, bilih asiling kerajinan menika tasih dipun betahekn kangge langgenging usaha kuliner tradisional ingkang mbetaghaken areng kajeng.
