TVRI YOGYAKARTA NEWS – WIDI-HARIF YUDA
Para pamirsa, ing mangsa ketiga menika kawonetaning jujugan wisata kedung pengilon, toyanipun susut, ewasementen para pelancong ugi tasih saged mirsani blumbang ing sak ngandhaping grojogan ingkang werninipun biru tosca.
Bantul mujudaken setunggaling laladan ingkang sugih jujugan wisata, wiwit ingkang sampun kaloka kepara ingkang tasih dereng dipun mangertosi ngakathah, salah setungglipun inggih menika kedung pengilon ingkang dumunung Krebet, Pajangan Bantul. Kados grojogan toya sanesipun, kedung pengilon ugi nawisaken swasana inkang tasih alami, sarta sesawangan alam ingkang endah, papanipun tebih saking kitha ageng saengga pas kangge sok sintena kemawon ingkang badhe pados katentremaning batos. Ingkang narik kawiogatosan nalika ngnedhangi kedung pengilon inggih menika wontenipun grojogan toya ingkang inggilipun udakawis sedasanan meter, sarta gadhah blumbang ingkang toyanipun bening sarta werninipun iijem semu biriu. Pelancong ingkang gadhah kaprigelan saged nglangi ing blumbang ingkang wonten, sawetawis pelancong ingkang mbotens aged ngalngi sampun ngantos mlebet ing blumbang kedung pengilon, jalaran mbebayani, jalaran lebetipun langkung saking wolung meter, kajawi sesawangan grojogan ingkang endah, sarta seswangan alamipun ingkang edi peni, para pelancong ugi saged amirsani ijeming wana ingkang wonten ing sakiwatengenipun, kanthi hawa ingkang seger tur asrep. Pancen tumuju ing kedung pengilon menika kedah nglangkungi undhak-undjaaakan ingkang kalebet inggil. Ananging sasampunipun dumugi ing tujuwanipun, batos badje rumaos marem ningali kaendahaning alam.
Jujugan wisata menika dumugining wekdal sakmenika tasih dipun kemonah dening warga masyarakat ing sakiwatengenipun, mboten maiben bilih srana ingkang wonten ugi tasih winates lan prasaja, wekdal ingkang pas ngendhangi papan menika nalika mangsa rendheng, sinaosa mekaten ugi nalika kawontenaning cuaca terang mboten jawah, jlaran menawi mansga ketiga debit toyanipun namung alit. Pelancong ingkang ngendhangi ppan menika dipun suwuni beya parkir gansgal ewu rupiyah kangge mobil lan tigang ewu kangge pit montor.
