TVRI YOGYAKARTA NEWS – WIDI-HARIF YUDA
Para pamirsa, panyuwunanipun kara benguk kangge nyekapi bahan kerajinan tempe benguk tasih inggil, awit saking menika nindaken usaha budidaya kara benguk gadhah pangajeng-ajeng ingkang sae.
Taneman kara benguk kathah dipun panggihaken, ing laladan Dusun Krebet Pajangan Bantul, meh saben pekawisan saged dipun panggihaken wontenipun kara benguk. Ing saklebeting budidaya kara benguk menika dereng katindaken kanthi intensif, ing setunggaling lahan, ananging namung dipun lanjaraken ing setunggaling wit, kemawon. Ananging nguningani bilih kabetahan kara benguk menika gilir gumantosing wekdal saya kathah, saklajengipun hardi wiyana, wiwit ngebonaken taneman kara benguk menika, wekdal sakmenika piyambakipun gadhah udakawis satusn wit kara benguk ingkang dipun tanem wiwit kalih wulanan kapengker. Ing saklebeting nanem kara benguk menika mboten mbetahaken cara pangrimatan ingkang mirunggan, dipun jraken kemawon sampun saged tuwuh kanthi subur. Sinaosa mekaten supados samangkenipun asilipun saged maksimal, hardi wiyana ing saklebeting nanem kara benguk katidaaken kanthi intensif wiwit saking ngolah lahan, nyawisaken winih, pangrimatan sarta pasca panenipun. Saderenguipun dipun tanemi lahan ingkang wonten dipun paculi lngkung rumiyin lan dipun resiki gulmanipun. Ing luwangan ingkang badfhe kangge nanem dipun sukani rabuk kandhang arupi bucalan lembu. Sawetawis winih ingkang dipun ginaken piyambakipun ndeder piyambak wiji ingkang sampun tuwa lan garing. Sasampunipun tuwuh udakawis sedasanan sentimeter, nembe dipun pindah tanem ing alahan. Miturut hardi wiyono, ama ingkang asring ngrebasa tneman kara benguk ing menika walang ingkang mangan peranganing ron. Kangge ngendhaleni ama kala wau padatanipun ngginakeninsektisida ingkang dipun semprotaken langsung. Kajwi walang sesakit ingkang doipun waspadani inggih menika tuwuhipun jamur, cara ngendhaleni cekap dipun semprot mawi funmgisida supados mboten nyebar ing taneman sanes, taneman kara pedang menika sampun wiwit mawoh nalika umur sekawan engga gansgal wulan, asiling who kara padatanipun denig warga, kajawi dipunsade ing peken ugi dipun olah dados tempe benguk. Ing peken who kara benguk garing dipun kerta aji wolung ewu rupiyah.
