TVRI YOGYAKARTA NEWS – HENDRY SAPUTRA
Pekawisan ingkang wonten ing griya menika saged dipun mupangataken kangge nanem manekawerni taneman sekar lan woh ingkang saged kangge nambah endahing swasana.
Kados mekaten menika pekawisanipun eksel, saweneh warga ing Dusun Gesik Kalipucang Bangunjiwo Bantul menika. Ing pekawisan menika piyamnbakipun nindaaken budidaya menakwerni taneman sekar lan ugi who-wohan. Taneman woh lan sekar ingkang dipun tanem menika ketingal subur lan mawoh kathah. Kawontenan pekawisan ingkang wiyar nggampilaken eksel anggenipun mbudidaya taneman ingkang dipun papanaken wonten sakiwa tengenipun. Taneman sekart ingkang dipun tanem menika kanthi cara dipun bonsai. Kados ingkang kawuningan bilih bonsai menika pancen nggadahi bentuk ingkang endah,mila piyambakipun kanthi ajeg nggulawentah kanthi greteh taneman bonsainipun. Wonten ugi taneman who kates california, jeram bali engga jambu kristal ingkang mawoh. Rabuk ingkang dipun ginaaken inggih menika rabuk kandang. Kaleresan ing papanipun menika piyambakipun ngrantam badhe mbikak wande dahar pecel lele ingkang dipun budidaya piyambak ing pekawisan menika migunaaken blumbang terpal bioflog. Wontenipun taneman sekar lan who ingkang dipun tanem ing pekawisan menika ing pangajab saged dados kawigatosaning masyarakat.
