TVRI YOGYAKARTA NEWS – SETYA BUDI
Kangge ngawekani winatesing pakan ternak ing mangsa ketiga, kadang tani ing laladan Kapanewon Paliyan Kabupaten Gunungkidul nanem taneman turi ing lahan pesabinanipun. Kajawi kangge pasudiyan pakan ing mangsa ketiga, sekar lan woh taneman turi mekaten kanyata pajeng dipun sade ing pekenan.
Saben ing mangsa ketiga kados wekdal sakmenika, kadang tani ternak ing laladan Kabupaten Gunungkidul sami kewetan anggenipun nyekapi kabetahan pakan rajakayanipun. Awit saking menika, kangge ngawekani winatesing pasudiyan pakan kasebat, katah saking para kadang tani ingkang mupangataken laha pesabiunanipun kanthi dipun tanemi taneman turi pethak. Kados ingkang dipun tyindakaken dining jarudi salah saweneh kadang tani saking laladan pampang paliyan gunungkidul menika. Taneman turi pethak menika wiwit dipun tanem ing purwakaning mangsa rendeng kala wingi, pangajabipun ing mangsa ketiga saget dipun mupangataken kangge pakan rajakya. Jarudi nelakaken bilih salah setunggaling kaluwihan saking taneman turi inggioh menika taneman menika saget tuwuh subur sinaosa dipun tanem ing siti ingkang kawontenanipun garing. Saengga mbiyantu sanget kadang tani ing saklebeting nyekapi kabetahan pakan ternak. Kajawi ronipun kanyata sekar lan woh taneman turi pethak menika pajeng dipun sade ing pekenans aengga saget nambah wuluwektuning keluwarga.
Taneman turi menika saget gesang engga setunggal tahun. Menawi sampun mboten produktif taneman turi bade dipun tegor lan kajengipun dipun mupangataken dining warga minangka kajeng bakar.
