TVRI YOGYAKARTA NEWS – WIDI-HARIF YUDA
Para pamirsa, kawontenaning situs pabrik nilo tambak ingkang dumunung ing Triharjo Wates Kulonprogo dumugining wekdal sakmenika tasih mrihatosaken sanget. Kamangka situs menika ngemot sujarah lampah ekonomining bansga indoensia duk rikala jaman penjajahan.
Sumur kina ing tambak menika mujudaken seksi sujarah kadiupaten pakualaman nalika ngluwari dumadosing krisis ekonomi saderengipun tahun sewu sangang atus. Sumur kina dumunung ing tanah pakualam ground utawi pasipun mapan ing peakwisan UPTD Balai Pengembangan Pembenihan dan Pengawasan Mutu Benih Taneman Pertanian DIY Unit Tambak, Kalurahan Triharjo Wates Kulonprogo. Duk rikala semanten kanjeng gusti pangeran adipati ariyo paku alam kapimng gangsal. kanjeng gusti pangeran adiapti aro suryodilogo mekareken wontenipun pabrik pewarna saking wit nila utawi indigo fera, kangge anjurung gumregahing ekonomi kadipaten pura pakualaman. Pabrik ingkang ngasiakllekn pewarna alami ingkang madeg ing tahun 1880 meniak pun sukani nama sumber nilo tambak. Duk rikala semanten tigang pabrik dipun dega aken salah setunggalipun ingih menika ing tambak. Donyaning tetanen mliginipun wit nila ugi ngrembaka, investasi saking njawi ugi saya matiukel-tikel. Anaging jumbuh kaliyan kawontenan pabrik-pabrik kala wau ugi sampun ami surut, lan sumur ingkang tsih wonten menika dados seksi sujarah jaman kajayanipun pabrik nila. Wonten cacah enem sumur kina ing area balai pengembangan pembenihan menika. Sedayanipun tasih gadhah struktur jaman kawuri, kadosta wontenipun tembok sumur ingkang kiyat. Dumugining wekdal sakmenika tasih wonten setunggal sumur ingkang toyanipun tasih dipun mupangataken dening masyarakat. Kaajwi sumur tilaran pabrik nila ingkang tasih womten cagak kitiran utawi bangunan kadodene banteng utawi pager. Imng sakcelaking pager ugio wonten bangunan kangge madahi toya lan bolongan kangge ngisi toyanipun. Kajawi menika ugi wonten rangka kajengh tilasing bangunan tardisional. Kanthi wontenipun sujarah kawicaksanan ekonomi duk rikala semanten Pamarintah Kulonprogo netepaken bilih tilasing pabrik menika minagka cagar budaya lumantar SK Bupati Nomer 415/A/2020. Emanipun kwontenan cagar budaya meniak mrihatosaken sanget, kirang pikantuk npangrimatan. Warga namung saged ngajab wontenipun situs menika dumados sinergi pamekaraning wisata agro wisata sujarah.
